XEOGRAFÍA E HISTORIA: CREAMOS AS NOSAS EMPRESAS.

O proxecto no que abordamos a actividade económica e o emprendemento finalizou estes días en 3º da ESO coa creación das nosas propias empresas. Comezamos antes de Nadal partindo dos principais indicadores e traballando a economía doméstica cun role-play no que os alumnos se converteron nunha familia de 4 membros que afrontaba os gastos desas festas: as comidas e ceas extraordinarias, os regalos… Contaban cunha soa nómina e varias facturas que todos os fogares teñen que pagar e deberían aforrar algo para a forte pendente que supón xaneiro.

A segunda actividade foi a visita ao comercio local para aprender dos emprendedores previo a elaborar a parte final: crear a nosa propia empresa. O obxectivo era que fose unha idea orixinal presentada nun packaging atractivo. O proxecto do seu negocio debería conter datos e prezos do capital físico necesario, a localización dun espazo real nas webs das inmobiliarias en aluguer oo venda, planos de antes e despois da súa reforma, propósito da creación e unha oferta de emprego na prensa para posibles traballadores.

O resultado ten en común que todas as súas opcións buscan alternativas de ocio para a xente nova. Estas son as catro alternativas deste curso:

-O LABERINTO: Un scape room para divertirse que conta con cafetería e enfermería para posibles traspés.

 - B&G. Un gran recinto de xogos recreativos con cine, pistas de fútbol e consolas.

-Meteorite life: Un restaurante de comida china con especialidade en xeados onde reunirse e degustar orixinais pratos.

-Micky Mouse Bar: Unha cafetería temática que recrea a vivenda deste ratón universal.

CHARLA DE LA ASOCIACIÓN DE DONANTES DE ÓRGANOS Y SANGRE

Hoy los alumnos de 3º de ESO han tenido la visita de José Manuel y Alicia. 

Como integrantes de ADOS nos han dado una charla muy interesante sobre la donación de sangre.

La intención de esta actividad es no sólo la de complementar contenidos, sino el poder extrapolarlos a la vida real y concienciar a nuestros alumnos de lo importante que es en nuestra sociedad la donación de sangre.

Como nos han dicho, la línea entre la salud y la enfermedad es muy delgada, no atendiendo a edad ni a sexo ni a otras condiciones. Por eso la solidaridad de los donantes es tan importante. El tener un banco de sangre en los hospitales es lo que nos garantiza el poder ser operados en un momento determinado, ser atendidos de un accidente, etc.

Os animamos a todos a participar donando. Animaros a venir al bus ADOS el próximo mes!!

Gracias a todos!!

OS COMERCIANTES EUMESES ENSÍNANNOS A EMPRENDER

Hai uns cursos que dentro do noso proxecto de economía de Xeografía de 3º ESO visitamos algunhas das PEMES locais. Esto axúdanos a achegarnos aos pequenos comerciantes e aos seus retos nun mundo dominado polo comercio electrónico e as grandes superficies. Este ano enfocamos o estudo a algúns dos negocios máis veteranos do noso pobo e aos seus propietarios que día a día abren as portas e enfrontan a súa realidade como autónomos.

Estas foron as nosas visitas:

BARBERÍA TOCI LAMAS:

Toci Lamas cortou o pelo xa a moitas xeracións de eumeses. Barbeiro de familia e de vocación, traballa dende os quince anos no que máis lle gusta do mundo nun negocio que conta con máis dun século de historia localizado agora na rúa Santiago.

CACHARREIRA

Na rúa Real, Fernando Barallobre rexenta a tenda de regalos Cacharreira que abriu as súas portas hai 40 anos. Cóntanos que non ten vacacións e "hai que ser un currante" pero cre que se tes alma de autónomo nunca pecharás as portas.

FOTO RÍOS

José Ríos herdou o oficio do seu pai Tito Ríos e é o propietario dunha tenda de fotografía que naceu na rúa Ferreiros en 1954 e agora está na Praza do Conde. É consciente de que non se revelan as fotos como antes e hai que actualizarse pero segue amando a profesión que lle ensinaron de neno.

AUTOSERVIZOS CHARO

Inmaculada é a neta da fundadora da tenda de alimentación Autoservicios Charo. Depois da súa avoa e a súa nai, ela leva agora este establecemento onde dende hai 72 anos moitas familias eumesas enchen a súa bolsa da compra. Inmaculada confía en que o negocio, situado na Rúa Cantón, siga medrando.

Todos eles comparten algo: desfrutan do seu traballo e queren seguir así moitos anos. Saben que o comercio pequeno ten que seguir loitando para facerse sitio neste mundo globalizado pero animan á xente nova a que emprenda para dinamizar a economía do pobo. Neste senso, confían en que a próxima apertura do mercado municipal volva a dar máis vida ás rúas de Pontedeume.

Moitísimas grazas a todos por atendernos e por ensinarnos.